Buxoro psixologiya va xorijiy tillar instituti 1-kurs talabalari o`rtasida “Jinoyatlarning sodir etilishi sabablarini tizimli tahlil qilish va o`rganishda

idoralararo” hamkorlikni ta’minlash to`g`risida 15-aprel kuni huquqni muhofaza qiluvchi organ xodimlari ishtirokida davra suhbati bo’lib o’tdi. Tadbirda institut rektorining maslahatchisi Barotov Xumoyun Sharifovich so`zga chiqib: Bugungi kunda yoshlar o`rtasida jinoyatlarning sodir etilishi sabablarini tizimli tahlil qilish va jinoyatchilikning oldini olish xususida respublikamizning huquqni muhofaza qiluvchi organlari tomonidan amalga oshirilib kelinayotgan chora-tadbirlarni talabalarga yetkazish maqsadida Kogon tuman Ichki ishlar bo`limining mas’ul xodimlariga so`zni berdi. Kogon tuman IIB boshlig`ining o`rinbosari R.Sultonov so`zga chiqib, bugungi kunda talabalar o`rtasida huquqbuzarliklar sodir etilayotganligi va uning oldini olish chora tadbirlari, ularning turli xildagi yod g`oyalarga qo`shilib qolmasliklari, talabalarning bo`sh vaqtlarini mazmunli o`tkazish maqsadida turli xil fan va sport to`garaklariga qatnashishlari kerakligi to`g`risida tushunchalar berdi. Kogon tuman IIB xotin-qizlar masalalari bo`yicha katta inspektori M.Jo`rayeva so`zga chiqib, xotin-qizlar orasida turli xildagi huquqbuzarlik va jinoyatchilik holatlarining kelib chiqishi va uning asosiy sabablari, yuzasidan hamda begona shaxslar bilan muloqotga kirishmaslik, shubhali holatlarda tegishli huquqni muxofaza qiluvchi organlariga zudlik bilan xabar berishlari, institut hududida ichki tartib qoidalariga, odob axloq va kiyinish madaniyatiga qat’iy rioya qilishlari xususida tushuntirish ishlari olib borib, talaba qizlar tomonidan berilgan savollarga javob berdi. Kogon tuman IIB profilaktika katta inspektori F.Djumayev so`zga chiqib: ushbu institut joylashgan hududda o`z xizmat vazifalarini olib borayotganligini shuningdek ijarada turuvchi talabalarga, o`zlarining xavfsizliklarini avvalo o`zlari ta’minlashlari kerakliligi bo`yicha va shubhali holatlar sodir bo`lganda darhol xabar berishlarini, jamoat joylarida xususan, institut hududida alkogol ichimliklar ichmaslik, tamaki  mahsulotlari chekmaslik, turli xildagi yod g`oyalarni targ`ib qilmaslik va huquqbuzarlik sodir etmasliklari, shunday holatlar aniqlangan taqdirda tegishli choralar ko`rilishi bo`yicha talabalarni qattiq ogohlantirdi. Kogon tuman hokimining ijtimoiy masalalar bo`yicha o`rinbosari Z.Sharipov so`zga chiqib, bugungi kunda respublikamizda ta’lim olish uchun barcha zamonaviy shart-sharoitlar yaratib berilganligi ammo ayrim yoshlarimiz o`zlari bilmagan holda salbiy oqimlarga qo`shilib ketayotganliklari holatlari ham mavjudligi to`g`risida, vaqtdan unumli foydalanib ta’lim va yana ta’lim olishlari, kelajakda yurtimizga o`z hissalarini qo`shishlari, xususan yurtboshimiz tomonidan start berilgan “Besh tashabbus” olimpiadasida faol ishtirok etishlari mumkinligi va ushbu bo`yicha Kogon tuman hokimyati tomonidan amaliy yordam ko`rsatilishi xususida fikr bildirdi. Shuningdek yig`ilish yakunida institut rektorining maslahatchisi X.Barotov so`zga chiqib: talabalarga yuqorida bildirib o`tilgan fikr mulohazalardan o`zlariga tegishli xulosa chiqarib olishlari kerakligi, barcha imkoniyatlardan unumli foydalanib kelgusida yurtimizga kerakli mutaxassis kadrlar bo`lib yetishishlari lozimligi to`g`risida tushunchalar berdi. Institutga tashrif buyurgan mehmonlarga, talabalar doimiy ravishda nazoratda ekanliklarini hamda shubhali holatlar sodir bo`lganda tegishli tartibda xabar berilishini ta’kidlab hamkorlik uchun institut rahbariyati nomidan o`z minnatdorchiligini bildirdi.