18-noyabr O’zbekiston Respublikasi Davlat Bayrog’i qabul qilingan kun munosabati bilan Buxoro shahar hokimligi tomonidan ochiq suhbat tadbiri o’tkazildi.

18-noyabr O’zbekiston respublikasi davlat bayrog’i qabul qilingan kuni munosabati bilan Buxoro psixologiya va xorijiy tillar institutida ajoyib bayram tadbiri bo’lib o’tdi. Tadbirni Buxoro psixologiya va xorijiy tillar instituti rektori, psixologiya fanlari doktori, professor Sh.R.Barotov  ochib berdilar. Ustoz yurtimiz buyuk o’tmishi, zabardast olim-u fuzalolari, rivojlanayotgan buguni va yorqin kelajagi xususida iliq fikrlarni bildirib, bugungi avlod kelajak merosxo’rlari va davomchilari ekanligi, yoshlarga e’tibor davlat siyosatining ustuvor yo’nalishlaridan ekanligini ta’kidlab so’zni tadbir mehmoni Buxoro shahar hokimi Nosirov Jamol Shuhratovichga berdilar. Hurmatli mehmon Nosirov Jamol Shuhratovich davlat ramzi-BAYROQ qabul qilinganliging 31 yilligi bilan barchani tabriklab, bu ramz asosida butun millat ruhi aks etayotganligi, bayroq aks ettirgan tom ma’noga to’xtaldilar. Xususan Davlat bayrog‘i va uning ramzi bugungi O‘zbekiston sarhadida qadimda mavjud bo‘lgan davlatlar bilan tarixan bog‘liqligini anglatadi hamda respublikaning milliy-madaniy an’analarini o‘zida mujassamlashtiradi. Bayroqdagi moviy rang tiriklik mazmuni aks etgan mangu osmon va obihayot ramzi. Timsollar tilida bu – yaxshilikni, donishmandlikni, halollikni, shon-shuhrat va sadoqatni bildiradi. Binobarin, Amir Temur davlati bayrog‘ining rangi ham moviy rangda edi.Bayroqdagi oq rang – muqaddas tinchlik ramzi bo‘lib, u kun charog‘onligi va koinot yoritqichlari bilan uyg‘unlashib ketadi. Oq rang – poklik, beg‘uborlik, soflikni, orzu va hayollar tozaligi, ichki go‘zallikka intilishning timsoli.Yashil rang – tabiatning yangilanish ramzi. U ko‘pgina xalqlarda navqironlik, umid va shodumonlik timsoli hisoblanadi.Qizil chiziqlar – vujudimizda jo‘shib oqayotgan hayotiy qudrat irmoqlarini anglatadi.Navqiron yarim oy tasviri bizning tarixiy an’analarimiz bilan bog‘liq. Ayni paytda u qo‘lga kiritilgan mustaqilligimiz ramzi ham.Yulduzlar barcha uchun ruhoniy, ilohiy timsol sanalgan. O‘zbekiston Respublikasi Davlat bayrog‘idagi 12 yulduz tasviri ham tarixiy an’analarimiz, qadimgi yilnomamizga bevosita aloqador. Bizning O‘n ikki yulduzga bo‘lgan e’tiborimiz O‘zbekiston sarhadidagi qadimgi davlatlar ilmiy tafakkurida nujum ilmi taraqqiy etganligi bilan ham izohlanadi. Davlat bayrog‘imizdagi 12 yulduz tasvirini o‘zbek xalqi madaniyatining qadimiyligi, uning komillikka, o‘z tuprog‘ida saodatga intilishi ramzi sifatida tushunish lozim. Keyinchalik Tadbirda iqtidorli talabalar soʻzga chiqib chiroyli she`rlardan aytishdi. Bu tadbirdan barcha madaniy hordiq chiqarishdi. Tadbir yakunlanib, Shahar hokimi ketish chogʻida, Buxoro Psixologiya va xorijiy tillar instituti borasida juda yaxshi ijobiy fikr bildirdi.